半島精品店與咖啡廳

營業中

休息中

今日喺尖沙咀，突然之間心思思想食好靚嘅蛋糕，但係又未至於想食tea set咁full, 咁不如我買散裝靚靚蛋糕返屋企食啦! 突然諗起半島嘅士多啤梨卷好出名, 咁就去望下啦, 去到見到有幾款蛋糕排得好靚, 除咗買士多啤梨卷,我仲想買個鬆餅呀, 但係鬆餅唔設散買，咁我就揀多件馬達加斯加朱古力蛋糕! 店員用咗個好靚嘅盒同好靚嘅紙袋同我入起兩件蛋糕， 每件蛋糕盛惠60蚊，價錢合理。 攞到返去始終都幾個字車程，馬達加斯加朱古力蛋糕好不幸地跌低咗， 所以張相影得唔算太好睇。 士多啤梨卷比較淡味，所以我食咗佢先。 拎上手非常之大件，都幾好食，忌廉軟滑輕盈，士多啤梨都算甜，完全唔酸，蛋糕都算鬆軟，不過我覺得如果蛋糕再鬆軟啲多啲蛋味、忌廉可以再輕盈多一啲、同埋士多啤梨再甜啲，就完美喇! 反而個馬達加斯加朱古力蛋糕令我非常之有驚喜， 佢嗰隻朱古力真係好食到好緊要! 仲要入口即溶非常正! 令我有種唔捨得食曬佢嘅感覺! 再加埋啲慕絲、忌廉同埋一啲脆脆， 完全係perfect match! 如果下次再嚟幫襯，我會想再食呢個馬達加斯加朱古力蛋糕。