影片
更多
2012-09-21
272 瀏覽
今日約左兩個外地朋友去我經常光顧嘅cocky bar 飲嘢，因為我想佢地欣賞倒香港咁靚嘅夜景，所以一早打去訂位但佢已經話full晒，有冇可能，平時都唔係咁，唯有walk in。 九點鐘去到只得室內有位，我問帶位要等幾耐可以轉去露台，佢話不清楚因為預計唔到客人幾時埋單，但我每次去到都會比倒時間我（約半小時）。另外我望倒佢地本booking list其實重有好多空位囉！ 佢都好好人特登安排我地坐窗邊位。我照樣叫左我最愛嘅mojito, 嗰waiter好好心機咁介紹左一杯士多啤利味同一杯朱古力味嘅cocktail 比我朋友，佢地都好鐘意。 等下等下差不多一個鐘，始終間住玻璃望維港係兩回事，我朋友又想抽煙。我追問帶位重要等幾耐，佢又係答返我不清楚客人幾時埋單，叫我耐心等候。我問佢露台有幾張枱空置左成一個鐘都冇人坐我可不可以坐，佢話有訂位10:30，我立刻火都黎埋，其實我地都唔會坐好耐，因為有下場，如果一入來就安排我坐外面，我係唔介意坐倒10：30比返張枱你。我問佢點解booking list 有咁多空位但都話full，佢話公司新安排，暫時取消還枱制度，所以不能接太多
九點鐘去到只得室內有位，我問帶位要等幾耐可以轉去露台，佢話不清楚因為預計唔到客人幾時埋單，但我每次去到都會比倒時間我（約半小時）。另外我望倒佢地本booking list其實重有好多空位囉！
佢都好好人特登安排我地坐窗邊位。我照樣叫左我最愛嘅mojito, 嗰waiter好好心機咁介紹左一杯士多啤利味同一杯朱古力味嘅cocktail 比我朋友，佢地都好鐘意。
等下等下差不多一個鐘，始終間住玻璃望維港係兩回事，我朋友又想抽煙。我追問帶位重要等幾耐，佢又係答返我不清楚客人幾時埋單，叫我耐心等候。我問佢露台有幾張枱空置左成一個鐘都冇人坐我可不可以坐，佢話有訂位10:30，我立刻火都黎埋，其實我地都唔會坐好耐，因為有下場，如果一入來就安排我坐外面，我係唔介意坐倒10：30比返張枱你。我問佢點解booking list 有咁多空位但都話full，佢話公司新安排，暫時取消還枱制度，所以不能接太多booking。
之後我問左一個比較熟慨waiter乜事，原來因為早前有人客因為要還枱嘅事complain，我立刻上open rice 查看，我覺得一間公司唔應該為左一啲唔準時還枱、冇誠信、為左一己私欲嘅野蠻客人去改變制度而令到其他客要無止境地等枱同冇得訂位。家家有求，你都希望下次人地會準時還枱到你出去坐。呢度有咁靚嘅露台夜景，我都希望人人都可以享用。
我真係唔介意要還枱，但唔好要我無止境地等。
最終我同我朋友都被安排倒轉出露台坐，不過要趕下場，所以坐左十五分鐘就要同維港bye bye。
張貼