Pompompurin Cafe (已結業)

< 布甸狗墨西哥塔可飯 $139 > 終於朝聖到唔洗等 👯👯👯 但係我唔係中意布甸狗 😂 純粹只係見到佢地個 taco 飯想懷緬一下！我係極中意食墨西哥野，以前成日係美國食，至少兩日一定要有一餐係墨佬野，真係好好味，又健康，好多都有 pinto beans black beans，營養價值一流，夾埋啲 brown rice lettuce tomatoes cheese corn 同埋極多既 guacamole 真係此物只應天上有，超超超正！真係真．減肥恩物，唔明點解會有朋友會話難食 😒😒😒 但係發覺香港真係唔多，所以我今次黎就係想過一過口癮，我諗呢個大概算係咁多卡通人物之中係最好食既一間，其實呢個唔難整得好味，基本上齊料多料就得，首先布甸狗上面果隻野係忌廉芝士，對落布甸狗頂帽係半粒牛丸，而布甸狗就係黃薑飯，配料方面有蛋、蕃茄、生菜、芝士、碎牛肉肉醬、極少牛油果！質素黎講係叫正常一般，唔係超級好食，不過我果時進入左瘋狂懷念 mode 就覺得超級好食！嗚呀！但係牛油果真係太孤寒比勁少，我係勁中意食牛油果，如果比多啲就會加分！😍