影片
更多
2019-04-10
84 瀏覽
小妹有日諗住去深水埗買係啲電子野，去到夜晚有啲肚餓嘅時候見到呢個橙色招牌嘅標記粉面餐廳，佢新開張啲嘢又唔貴，一於入去試下喇以粉麵鋪嘅格局來講，標記嘅裝修真係唔錯，環境整潔，空間感大，光線有充足，坐落去都好舒服<香脆炸墨魚丸$25>睇相都好吸引炸粉好薄，炸得好香口墨魚丸大大粒，裏面仲有墨魚粒添，點埋酸甜醬食，別有一番風味<腐乳通菜$10>出嚟食飯成日都覺得少咁d菜唔係好健康，所以小妹都鐘諗嗌番碟菜食下通菜細細碟咁，食完主食啪附碟無難度，重點系$10一碟，非常之經濟實惠一開始仲以為自己睇錯添<焗鮮茄豬扒飯$45>鮮茄豬扒飯間間茶餐廳都有，但係要整得好食嘅就五隻手指都數得晒蕃茄豬扒飯要整得好食，豬扒同埋茄汁醬都係重點豬扒一定要鬆化同入味，而且茄醬最好就用新鮮蕃茄，唔可以太杰但係但又唔可以獨稀小妹就覺得標記呢個焗豬扒飯就做到以上兩點啦加上飯底係蛋炒飯，唔係普通嘅白飯飯粒粒分明又唔太油膩，真係唔錯<標記新鮮牛三寶河$48> 之後就黎到我們今日的重頭戲 - 「牛三寶河」！牛腩燜得入味、鬆化，口感有層次，而且肉質爽滑 ，好好味呢湯底好f
以粉麵鋪嘅格局來講，標記嘅裝修真係唔錯，環境整潔，空間感大，光線有充足，坐落去都好舒服
<香脆炸墨魚丸$25>
睇相都好吸引炸粉好薄，炸得好香口墨魚丸大大粒，裏面仲有墨魚粒添，點埋酸甜醬食，別有一番風味
<腐乳通菜$10>
出嚟食飯成日都覺得少咁d菜唔係好健康，所以小妹都鐘諗嗌番碟菜食下通菜細細碟咁，食完主食啪附碟無難度，重點系$10一碟，非常之經濟實惠一開始仲以為自己睇錯添
<焗鮮茄豬扒飯$45>
鮮茄豬扒飯間間茶餐廳都有，但係要整得好食嘅就五隻手指都數得晒蕃茄豬扒飯要整得好食，豬扒同埋茄汁醬都係重點豬扒一定要鬆化同入味，而且茄醬最好就用新鮮蕃茄，唔可以太杰但係但又唔可以獨稀小妹就覺得標記呢個焗豬扒飯就做到以上兩點啦加上飯底係蛋炒飯，唔係普通嘅白飯飯粒粒分明又唔太油膩，真係唔錯
<標記新鮮牛三寶河$48>
之後就黎到我們今日的重頭戲 - 「牛三寶河」！牛腩燜得入味、鬆化，口感有層次，而且肉質爽滑 ，好好味呢湯底好fresh，濃而不膩，吸收曬牛腩的精華正牛根一樣牛味十足，彈牙有咬口，食完覺得補番曬d膠質至於牛雜呢，其實我覺得好少食內臟，因為成日都驚唔夠乾淨會食壞肚仔，但係見標記環境睇落都幾乾淨，一於俾個機會試下喇估唔到又真系唔錯，用料好新鮮，牛什洗得好乾淨，無腥味，平時冇食開內臟小妹都覺得OK worr
<（左）凍檸賓 （右）熱檸水>
平時去茶餐廳係嗌凍檸賓最驚就係稀到無左利賓納味，好彩標記嘅凍檸賓好足料，好滿足呢熱檸水都算係有誠意㗎啦，有兩片厚檸檬，唔錯
值得一讚嘅係服務員嘅態度，依家係香港食茶餐廳嗌得慢少少都會俾人鬧，標記的服務員全部都好Nice，落單個陣會細心推介佢哋招牌菜，唔會chur 你快d嗌見到d待應無野做個陣會同熟客吹下水，今時今日咁嘅服務態度去邊度搵呀
張貼
