Nun Korean Dessert (已結業)

食完野，下一站梗係食甜品啦，到了nun，人不少但暫時未排隊，晚上八時後的繁忙時段人均消費要$50，基本上一人點一款甜品就夠了。呢間分店好唔同，用快餐點形式，自己點餐，自己拎野，搵位都係自坐的。落完單會有呼叫器，食物ready就會響，哈哈，唔使怕掛住傾偈唔記得拎。自己點左個D24榴槤軟雪糕，個人覺得唔算好大陣味，不過對唔like榴槤嘅朋友黎講就梗係唔係咁講啦。軟雪糕很甜很滑，中間有榴槤肉，上面黃色的是榴槤粉，又甜又香，個人覺得不錯喎。朋友點的綠茶多士，嘩，塊多士勁厚呀！上面有綠茶雪糕，紅豆蓉，店家說是用韓國綠茶醬的，呢支醬係citysuper賣9x元，不是便宜貨喎，個人覺得太甜了點，但賣相咁靚收貨了。另一位叫了香蕉朱古力多士，香蕉片配朱古力都唔會唔好食啦，多士同樣勁厚，甜品都可以好飽㗎。最後係紫薯窩夫，制作需時，即叫即烘香噴噴，窩夫外脆內軟勁香蛋味，上層有雲呢拿雪糕，加了紫薯粉，中間有紫薯蓉，忌廉等，仲有幾粒紫薯味糯米滋，旁邊的糖漿都係紫薯味㗎，真係成份都超重紫薯味，天然甜味好正，紫薯控絕對滿意了。店內冷氣很強，建議帶外套吖。