影片
更多
2020-07-26
3020 瀏覽
一條友口痕，又想飲啤，於是聽網台介紹去叫幾串燒嘢。店面細細但好企理，餐牌有車仔麵又有串燒，選擇好多。叫咗六款嘢，小試牛刀，結果喜出望外。雞腎彈牙，牛舌夠軟滑、豆卜夠脆，翠肉瓜仲有汁唔乾，招牌雞翼有蜜味，仲有招牌燒茄子蒜味香濃又冇燒過龍，皮都食埋。試得出店家用唔同調味料處理唔同食材，唔會只係一味用孜然粉、辣粉。串燒準備時間耐，老闆娘仲主動擺張櫈我坐，份外賣仲包得好靚，唔同味道嘅串燒分開擺，係有誠意同細心。加埋罐啤酒，$120，抵食呀！
店面細細但好企理，餐牌有車仔麵又有串燒，選擇好多。
叫咗六款嘢，小試牛刀，結果喜出望外。雞腎彈牙，牛舌夠軟滑、豆卜夠脆，翠肉瓜仲有汁唔乾，招牌雞翼有蜜味，仲有招牌燒茄子蒜味香濃又冇燒過龍，皮都食埋。
試得出店家用唔同調味料處理唔同食材，唔會只係一味用孜然粉、辣粉。
串燒準備時間耐，老闆娘仲主動擺張櫈我坐，份外賣仲包得好靚，唔同味道嘅串燒分開擺，係有誠意同細心。
加埋罐啤酒，$120，抵食呀！
張貼