影片
更多
2015-04-13
2390 瀏覽
過去一年我個交友網站平台差唔多每幾日就會有朋友幫襯呢間餐廳，每次見朋友們post相都係大讚，亦有唔同人俾好多like佢地，今次終於輪到我地去食啦。由於係訂左位，所以唔需要呆等，入到去感覺好causal dining feel，幾舒服。水月係食set嘅，入到去選擇左自己鐘意食嘅主菜就可以開始等食。。。脆米片吞拿魚腩茸：同網上相片一樣都係咁精緻，吞拿魚腩茸非常新鮮肥美，入口有香蔥味、櫻花蝦味，仲有種醬汁混合一齊，連埋脆米餅一齊食好香口，好似食緊多士咁，絕對係一個好開始蟶子皇配黑醋魚子：呢一個盤景真係佩服哂！藝術品咁原來蟶子皇係放玻璃瓶內，搖勻裡面d調味打開錫紙食，個汁有薑味，醋味，同隻勁鮮甜蟶子一齊食好好味！最得意係側面有個噴樽，將佢個汁噴落蟶子度食又變左另一種味道，鮮味又再加強左！而鐵匙上面有幾粒黑色黑醋魚子，食完口腔感覺酸酸地，再食蟶子個鮮味好強！呢道食物真係好好食又有得玩！like!!!!!溫泉蛋配吉列蟹餅：界開溫泉蛋同勁多蟹肉嘅蟹餅一齊食，好似去左日本食野咁，好好食！！蛋上面有魚子、銀薄，成件事好名貴 連側面d沙律菜都勁新鮮，撈左意大利醋汁好開胃，好食海膽南瓜豆羹：好似平平無奇嘅湯
由於係訂左位，所以唔需要呆等，入到去感覺好causal dining feel，幾舒服。
水月係食set嘅，入到去選擇左自己鐘意食嘅主菜就可以開始等食。。。
脆米片吞拿魚腩茸：同網上相片一樣都係咁精緻，吞拿魚腩茸非常新鮮肥美，入口有香蔥味、櫻花蝦味，仲有種醬汁混合一齊，連埋脆米餅一齊食好香口，好似食緊多士咁，絕對係一個好開始
蟶子皇配黑醋魚子：呢一個盤景真係佩服哂！藝術品咁原來蟶子皇係放玻璃瓶內，搖勻裡面d調味打開錫紙食，個汁有薑味，醋味，同隻勁鮮甜蟶子一齊食好好味！最得意係側面有個噴樽，將佢個汁噴落蟶子度食又變左另一種味道，鮮味又再加強左！而鐵匙上面有幾粒黑色黑醋魚子，食完口腔感覺酸酸地，再食蟶子個鮮味好強！呢道食物真係好好食又有得玩！like!!!!!
溫泉蛋配吉列蟹餅：界開溫泉蛋同勁多蟹肉嘅蟹餅一齊食，好似去左日本食野咁，好好食！！蛋上面有魚子、銀薄，成件事好名貴 連側面d沙律菜都勁新鮮，撈左意大利醋汁好開胃，好食
海膽南瓜豆羹：好似平平無奇嘅湯，精髓原來喺碗底及碗邊紫菜夾埋新鮮海膽一齊食，鮮味到暈左！又係好似去左築地食咁！湯底有個黃豆羹，滑過山水／阿婆果d豆腐花！！南瓜湯竟然係鮮甜架！！好味
黑松露天使麵：由於店員推薦所以一試，係小小凍咁食，麵好香滑，廚師磨左好多黑松露碎喺上面，好香好正！果然無介紹錯！
青檸泡泡：分子料理野，好清新嘅青檸泡泡清味蕾（聰明人先見到。。。哈哈哈！）
北海道黑毛豬肩配八珍山渣汁：呢塊黑毛豬豬味好香，肥瘦恰當，廚師烤得好香，非常惹味，亦夠份量！
烤美國肉眼扒配黑松露鵝肝和牛卷：肉眼扒烤得好香，好有肉味，肉質稔。側面粒黑松露鵝肝和牛卷好香口，配埋個黑醋汁食好味！
黑松露焦糖燉蛋：成個造型係靚到不得了！食入口更加係不得了！啖啖燉蛋都有黑松露碎食到！根本無得挑剔
總結係一行6人一致落埋訂要再黎食過！今時今日嘅香港，用6百蚊左右可以食到咁新鮮、食物質素咁高、好味又好玩嘅餐廳真係少之有少！食完之後終於明白點解黎之前一定要訂位，明白到點解朋友間會公開激讚呢間餐廳啦！作為一個挑剔王，我唯一能挑剔係枝青檸泡泡唔夠多，可以俾多一份我。。。哈哈哈！下個月食完再報告俾大家
建議大家d紀念日、生日、特別節慶黎慶祝，另一半一定好開心及難忘
題外話/補充資料：
總結係一行6人一致落埋訂要再黎食過！今時今日嘅香港，用6百蚊左右可以食到咁新鮮、食物質素咁高、好味又好玩嘅餐廳真係少之有少！食完之後終於明白點解黎之前一定要訂位，明白到點解朋友間會公開激讚呢間餐廳啦！作為一個挑剔王，我唯一能挑剔係枝青檸泡泡唔夠多，可以俾多一份我。。。哈哈哈！
下個月食完再報告俾大家:D:D
建議大家d紀念日、生日、特別節慶黎慶祝，另一半一定好開心及難忘！
(以上食評乃用戶個人意見 , 並不代表OpenRice之觀點。)
張貼
