兩草 (已結業)

之前睇雜誌的介紹已經知依一間小店平民價，同埋都係有特色的，所以想試好耐，不過成日路過大坑都見到好多人排隊，所以冇去試下。咁岩今日係趕時間的情況下見到佢冇人排隊（星期六7點半左右），所以終於可以入去試下，但因為我都趕時間，所以只係叫左一個煎蛋肉餅飯。碗飯的份量只有一碗，以男仔食量來講就唔太夠，但係食完都唔會肚餓的，但女仔食就應該岩岩好的。講到味道方面就相當有驚喜，隻蛋固然煎得好香，仲要有燶邊，好有兒時的味道。肉餅已都唔散，已都彈牙，以$30來講，質素係極高。