勝面 (已結業)

週末番工食lunch，因為趕時間既關係，見到依間台式餐廳款式都幾吸引，又有空位，於是就入去試下。餐廳環境都幾舒服，有卡位坐，而侍應該係台灣人，講國語既。因為想食個快lunch，叫左人氣清燉牛腱心刀削面，加一杯野飲抹茶歐蕾熔岩。一上菜，雖然湯底望落好清，但係牛香味好濃，牛碾4大塊，刀削面份量一般，叫多個小食都得...味道方面，牛腱心係非常好食，肉質鬆化，中間脂肪位入口即溶！清湯既好處係唔會蓋左牛碾既味，刀削面較為厚身，口感煙韌，成碗面都幾有驚喜！至於抹茶歐蕾熔岩，飲落去奶味比較重，好少量既抹茶味，無特登叫少甜但甜度適中，加埋布甸令飲品層次分明，味道都唔錯的。總體黎講，食物同服務質素唔錯，可能開係大商場既關係，性價比底左少少。兩款野加埋盛惠108蚊。同一個價錢同區可以食更高質既野食。