鳥語 (已結業)

睇相食飯賣相好靚加上黃店決定去幫襯，係門口侍應話冇位，係門口等左陣有人走見到入面都張枱吉左，但侍應都冇叫我地入去，係門口等極侍應行過一個眼都冇望過我地，唯有自己入去主動問先埋座。叫完野食都好快送黎，4個人嗌左三個意粉，一個飯。賣相同啲相一樣不錯，個富士山飯啲咖哩汁好稀，好快比啲飯吸哂，食到後面好似糊仔。另外三個意粉情況都一樣， 可能有個雪糕球係到融左之後，個忌廉汁稀到好似湯都咁🥴味道一般，朋友粉紅色果碟食到一半都唔食了。野飲係食到一半送到，真係最失望。嗌左兩杯mocha,一杯熱榛子朱古力加棉花糖，一杯士多啤梨奶昔都係分開時間上，其中mocha一杯係少冰，男店員直接擺低就離開，令人感覺好差正常餐飲服務都冇。除左杯士多啤梨沙冰正正常常，其他三杯都極之難飲，mocha好似飲緊奶溝水咁，確實難以想像一間Cafe嘅咖啡有如此水準🤯🤯🤯🤯🤯總括嚟講成間Cafe食物質素嘢飲質素都對唔住佢既收費，偏貴嘅收費九流既服務，如果為咗一張呃like相而去幫襯一啲都唔值得。