J.S. FOODIES (又一城)

營業中

休息中

之前一直想試呢間餐廳，但每次門口都超級多人，今日難得好早去到又一城，佢啱啱11:30開門可以唔使等位直入。黑松露薯條薯條炸得表面金黃香脆，外脆內軟，配埋黑松露醬以及酸忌廉食，成個層次唔同咗，真係好夾,唔怪得知個個朋友都話薯條必食。法式焦糖pancake 呢道菜係佢嘅主打廚師推介，賣相有心思，表面嘅水果好新鮮，切得啱啱好入口size。不得不提嘅係佢pancake表面嘅焦糖，唔會好甜而且夠薄，食落脆脆地配埋pancake一流。原味pancake呢個厚pancake又係另一主打,同之前嘅pancake好唔同，呢個咬落去比較鬆軟有空氣感，而且蛋味濃郁，口感近似疏乎厘，配埋忌廉食都好好味。呢個pancake質感做得好好，切完都唔會散又夠軟熟。餐廳食物質素非常高，甜品尤其出色，下次有機會會再幫襯。