影片
更多
2010-05-18
14 瀏覽
我同我老婆都鍾意食辣,識我哋嘅朋友都知,食野仲好奄尖添......上個月尾某個星期六忽然興起同佢過海食飯,我就諗住太興樓掃街>恆河>壽司屋,竟然太興樓見面不如聞名,咁就向下一站恆河進發喇......點知好食到連相都唔記得影,趁今次老婆生日encore一次,收工專程坐地鐵千里迢迢嚟到西灣河食呢餐飯,可以話你聽值得嘅!不過先講個貼士俾你,7點之前好嚟喇,唔係嘅話有機會要等位,就算有位又因為人多D餸菜等得耐就無癮啦!我今日6點由荃灣搭MTR去到西灣河,上到地面已經7點天黑喇,就急急腳過馬路行去恆河,未過馬路已經聞到嗰種令人"標汗"嘅香氣......托賴今日星期一晚,仲未係好多人係度,事頭婆話尋日(星期日)嚟你就等下啦,有好多人等唔到過咗東大街......上次食咗"巴辣雞(大辣)"+"MALASA羊膝(大辣)"+"咸味酸乳"+"羊肉薄餅"......可能太辣(雖然食到)但味就食唔真,香料就夠喇,仲啖啖肉添,啱晒我但老婆唔LIKE,所以今晚由佢拍板,話晒生日嘛......今晚揀咗2個主菜+1個薄餅+1杯酸乳......例牌小食>胡椒餅,今日相對辣咗D,當然仲有薄荷醬+泰式
上個月尾某個星期六忽然興起同佢過海食飯,我就諗住太興樓掃街>恆河>壽司屋,
竟然太興樓見面不如聞名,咁就向下一站恆河進發喇......點知好食到連相都唔記得影,
趁今次老婆生日encore一次,收工專程坐地鐵千里迢迢嚟到西灣河食呢餐飯,
可以話你聽值得嘅!不過先講個貼士俾你,7點之前好嚟喇,唔係嘅話有機會要等位,
就算有位又因為人多D餸菜等得耐就無癮啦!
我今日6點由荃灣搭MTR去到西灣河,上到地面已經7點天黑喇,就急急腳過馬路行去恆河,
未過馬路已經聞到嗰種令人"標汗"嘅香氣......
托賴今日星期一晚,仲未係好多人係度,
事頭婆話尋日(星期日)嚟你就等下啦,有好多人等唔到過咗東大街......
上次食咗"巴辣雞(大辣)"+"MALASA羊膝(大辣)"+"咸味酸乳"+"羊肉薄餅"......
可能太辣(雖然食到)但味就食唔真,香料就夠喇,仲啖啖肉添,啱晒我但老婆唔LIKE,
所以今晚由佢拍板,話晒生日嘛......今晚揀咗2個主菜+1個薄餅+1杯酸乳......
例牌小食>胡椒餅,今日相對辣咗D,當然仲有薄荷醬+泰式酸甜辣醬,
主菜1>鐵板八爪魚,事頭婆都話睇到都覺得JUICY,當然早到有著數,師傅都有心機D喇,
味唔太濃,仲可以連配菜洋葱紅椰菜一齊食......
主菜2>MALASA燒羊鞍,如果以豬應該係RIBS,有3大舊,有"趙頭咬口"但唔靭唔鞋,撈埋配菜青椒一齊食又會唔覺意咬到辣椒絲,好過癮,最窩心嘅係兩次都係先出淡口再出濃味菜式......
仲有薄餅>牛油薄餅,夠香但唔漏,少少"窿(焦)"今佢挺身D浸落汁度都無咁快"林"......
老實講,唔食"窿(焦)"就算吧啦!
酸乳>今晚飲嘅係芒果酸乳,但唔係一定有,老闆嗰日無買芒果就無得飲喇......
原來凍甜嘅酸乳係可以解辣,如果加上芒果嘅香味就更易入口,更易獲得女仔嘅歡心,
傾傾下事頭婆又捧咗碟薄餅出嚟,今次係甜嘅"紅豆薄餅"送俾我哋食......
今次煎到趣趣地,入面搽咗薄薄一浸紅豆蓉,入口唔甜,竟然仲食得晒,
千祈咪話人哋"孤寒"得咁少紅豆,你估上海舖嘅豆沙煱餅咩!佢都當堂笑咗出嚟!
細問之下入面嘅豆蓉係用日本紅豆做嘅,食落唔怪得之唔會起渣啦!
成餐飯個氣氛好好,同店員可以有講有笑,之但係真係要早到,坐近出菜收銀嘅位置,
就比較容易得到既貼身又貼心嘅服務......
雖然事頭婆比較串咀,但講好多野都好有大道理,有興趣都可以交流下呀!
服務方面就家庭式,人一多就有可能兼顧唔到,話晒都係事頭婆+一個識廣東話嘅外藉+一個事頭婆個仔嘅同學嚟做part-time組成嘅樓面......聽我講,早D去,坐樓下會有唔同嘅體驗!
P.S:如果你有6位甚至8位以上建議你食頭圍,雖然佢唔會趕你走,但好難係8點後留到位俾你一次過入枱,將心比心,想食好野,就下人大家都好啦.......
張貼
