Shari Shari Kakigori House 氷屋 (已搬遷) 新店位置

之前經過銅鑼灣店，每次都見長長人龍，聽朋友講 中環店唔洗排隊，即刻嚟試。聽人講係超好食，我都不以為意，諗住都係一舊冰上面加啲汁，唔會有咩特別，無抱太大期望之下，點知食完超驚喜，好食到掉眼淚的刨冰！啲冰軟綿綿，入口即化，有種好似食緊雪嘅感覺咁。本身以為咁大碗，唔會食得曬，點知兩個人share一份食下食下就無曬，仲唔夠喉。見在場有好細小朋友都係自己食一份。芒果唔係當造，所以唔夠甜，略為遜色。期間限定培茶味好出色，茶味特出，黃豆粉好香。