鍋呵呵 (已結業)

深水埗出名多好野食，天氣涼涼地，緊喺最適合打邊爐，第一次黎鍋呵呵食，食物質素唔錯呀，款式又夠晒多，我地都睇到花多眼亂，侍應服務亦唔差！我地先黎叫咗個雞煲，熱辣辣香噴噴，雞肉肉質都好嫩滑，加埋莞茜洋蔥既味道，辣辣地中帶點甜味好入味好惹味！ 之後就倒入清湯繼續打邊爐，墨丸大大粒之餘好彈牙爽口，味道亦唔錯！ 薄片肥牛一卷卷放上碟賣相吸引，色澤都好靚，食落好嫩滑，牛味好重！ 金菇洗得好乾淨企理，一碟份量都唔少，我地食都食得好放心！ 打邊爐不少的豆卜，食落好香豆味好新鮮既感覺，最正喺索晒湯既味道精華，特別惹味好味！ 其他食物都不過不失，加多幾支汽水，大家都大叫飽飽夠晒喉！