Mango Tree Kitchen (太古城中心) (已結業)

太古城中心好多好嘢食，但係我從來都未試過Mango Tree所以今晚就要試吓啦！基本上通常都會嗌一碟菜，所以馬拉盞通菜就唔少得啦基本好食啦都冇乜特別，但係唔係太鹹，叫咗佢少油但係好似都係比較油！特色小食係燒鴨米紙卷，以為好好食囉，點知就唔係好食到鴨肉，同埋有少少腥！最好食就係冬陰功單骨雞翼，辣度啱啱好好香口好入味！醬汁都好惹味、只係用义食比較困難，下次都係問佢攞對筷子容易啲食今晚最主要都試吓從來未食過嘅魔鬼魚！原來魔鬼魚真係超超超好食因為我本身好鍾意食軟骨，佢除咗啲肉夠厚夠滑之餘呢，仲係成條都充滿着軟骨！啲骨係可以𡁻嘅，夠飽之餘呢連條尾都係趣卜卜！佢面頭嘅醬一啲都唔辣，啱晒唔係好食得辣只係接受到小辣嘅我哋！好香酸酸地特別開胃！真係推介魔鬼魚呢度整得好好食！