Saravanaa Bhavan (已搬遷) 新店位置

最近同朋友約食飯，朋友係素食者，提議食呢間印度菜，我見平時好少有機會食，就決定同佢黎試下味道都唔錯。餐廳嘅客人大多都以印度人為主，證明呢度嘅印度菜都夠正宗。可能因為菜式都比較辣，餐廳係每張枱上面都預先放左2支水，夠晒細心。我就叫左杯蘋果汁，飲落非常fresh。呢個印度式嘅煎米餅令人相當有驚喜。米餅配合幾種唔同嘅醬同咖哩，呢種白色嘅醬料有淡淡嘅薄荷味，個人唔係特別鍾意。黃色嘅呢種就係酸酸地嘅，但我都係比較鍾意點咖哩食多啲。呢種咖哩有非常濃郁嘅印度香料味，食落都比較辣。米餅入面仲包左薯仔!真係估佢唔到。最後仲另外叫左個炸磨菇，亦非常之唔錯。食落外面嘅炸粉有少少薑葱味，磨菇岩岩好熟，保留到鮮味嘅汁。