Tagline Restaurant and Bar (已搬遷) 新店位置

之前有朋友介紹呢間餐廳，已經返嚟食過幾次，今次係第一次叫咗OpenRice上面嘅二人餐。前菜有一杯蝦，比想像中辣，但係酸同埋辣嘅比例非常恰當，亦都成為咗我同男朋友最深刻嘅一道菜。煮食我哋叫咗Butter Chicken，配上黑松露嘅包，非常之好食，忍唔住仲encore咗啲黑松露包。食佢哋冰火Brownie嘅時候都好搞笑。由於我哋個侍應點極都點唔着火，點咗大概5分鐘之後，佢哋重新換過一碟俾我哋，試一點火，整個甜品就着火，然後食甜品嘅時候暖粒粒同埋凍冰冰嘅部份結合，係難忘嘅經驗。