品味鮮小廚 (已搬遷) 新店位置

媽子唔知點解搵到呢度有好野食，呢度主要食四川既辣野。鍾意食辣既真係唔好錯過，因為個味道都算幾正宗架。水煮牛肉真係幾辣架，牛肉好新鮮，又唔會太韌。而個料都唔差，有好多紅椒、花椒等既配料。唔辣都唔得，真係辣到噴火既水煮牛肉。但係越辣越好食嘛。雞煲我太無記性啦，唔記得個全名。不過，同水煮牛肉一樣咁辣既。雞件都幾多，但係細細件既。配料都係有紅椒同花椒煲野到，真係辣到出哂汗。椒鹽鮮魷粉又唔太多既，令我估唔到既係。炸粉會有辣椒粉架，令到平平無奇既鮮魷有新配搭。真係越辣越開心，下次都係再黎過。因為辣到出哂汗係好正架。