金記冰室 (置富南區廣場) (已結業)

今日黎到薄扶林呢邊，搵個hku既朋友食晚餐！講左好耐想食既懷舊冰室，終於可以食啦～ 首先，冰鎮奶茶，奶同茶味都好濃！飲完之後都會有奶茶味係個口到，鍾意奶茶既你絕對要叫！最緊要係啲冰係放係出面，令奶茶味冇變淡，一流！豆鼓蒸魚，呢個係大力推介既菜色，條魚蒸得好好味同好鮮，肉汁一流！啲肉都蒸得好嫩口，唔會太硬，所以真係好好味啊！咕嚕肉好入味，肉質都唔會太硬，煮得岩岩好，連埋青椒同洋蔥餸飯就一流！乾炒牛河啲料都好足，多牛肉，牛肉亦唔會太硬，而且牛河亦唔會好油，而且都入味，食到停唔到口！