Al Dente

營業中

休息中

今晚呢就嚟到呢一間餐廳叫Al Dente。呢間鋪頭就唔係好大，但係氣氛唔錯嘅。佢哋嘅pasta啦，Pizza啦，意大利野食同前菜都可以。以前已經好多朋友叫我試呢間餐廳，因為我以前喺灣仔返工。話呢度啲嘢食又抵食，又好味。佢哋嘅炸芝士條嗰啲都OK。沙律都係新鮮嘅。今日我試咗佢嘅一個海鮮意大利飯晚飯套餐同埋主菜香煎三文魚帶子。其實如果唔大食，兩個人叫一個set dinner,同一份main course都可以夠飽。真係好抵食。個海鮮意大利飯都做得唔錯，蝦肉都爽爽地，有少少菜同埋啲芝士係面。個飯都煮得幾香口。我覺得呢三文魚煮得好食啲。個三文魚出面煎得幾香，而裏面又唔會太熟。個薯蓉都幾好味。之後甜品都有個Tiramisu加個雪糕。整體來講都係一個幾好嘅晚飯。