樂麵

營業中

休息中

前晚同屋企人去咗葵芳買嘢，順便去咗新都會廣場食晚飯，我哋揀咗呢一間位於2樓嘅拉麵店，見到佢哋嘅湯底都有唔同嘅選擇，除咗拉麵仲有其他飯類或者小食！✨椒鹽唐揚日本池魚✨呢一個小食幾香脆，池魚炸到外脆內軟，仲有啲椒鹽調味，幾好食！✨日本雞油豚角炒飯✨呢一個炒飯粒粒分明，入口雞油味香濃，加咗啲香蔥就更加香味濃郁，賣相都非常之豐富！✨花雕醉雞湯拉麵✨難得嚟到點可以唔食佢哋嘅招牌拉麵，花椒醉雞湯好香酒味，雞肉好嫩鴨肉都好香，配咗佢哋嘅蕎麥拉麵，仲可以揀軟硬度，非常貼心！✨真贅雞白湯✨呢個都同樣好好飲嘅湯底，比起頭先嗰款肉類仲會多左豚肉，湯底都非常之濃郁！