芝樂坊餐廳

營業中

休息中

每次路過尖沙咀港威商場都見到The Cheesecake Factory大排長龍見係咁，決定同朋友一齊試佢一下。-黑糖麵包 餐前附送黑糖麵包，侍應一放低已經聞到好香，拎上手仲要熱辣辣，外皮微脆，內部鬆軟，帶有淡淡的黑糖甜味，加埋個邪惡牛油，已經忍唔住refill咗兩次。 -水牛城香辣雞翼雞翼沾滿水牛城辣醬，炸皮依然保持酥脆，搭配的藍芝士醬，又係食唔停，鍾意食又酸又辣嘅朋友值得試下。 -烤蒜雞肉蝴蝶粉份量好多，每粒蝴蝶粉都沾滿烤蒜斑馬臣芝士忌廉汁，配埋雞肉同蘑菇一齊食，味道平衡得好好。 -DIANE 黛安牛扒牛柳煎得恰到好處，保留了豐富的肉汁，配上黑胡椒粒和吸滿肉汁的薯蓉，淋上蘑菇白酒汁，味道層次豐富。-無敵紅絲絨芝士蛋糕紅絲絨蛋糕朱古力層層相間住非常細滑嘅芝士蛋糕，鍾意食cheesecake嘅朋友真係要試下 見到個蛋糕櫃仲有好多款，其實都好吸引，可惜真係好飽試唔到咁多。成間餐廳環境氣氛都好熱鬧，燈光偏暗幾有格調，而且食物份量都係偏大。