道頓堀御好燒專門店 (新城市廣場) (已結業)

一直都想試食依間，今日仲要無乜人等位，機會嚟啦！等位期間睇下門口示範短片先！餐廳內都有教學卡紙.原來餐廳有最低消費（成人$100）一位道頓堀豪華七品（$108）（大阪燒）有蝦、魷魚、原隻帆立貝、肉、蛋將所有材料撈衡，掉係鐵板上計時8分鐘.然後另一面同樣做法.最後加上醬汁、蛋黃醬、紫菜碎、柴魚碎就大功告成！份量都算幾大，足夠飽肚.道頓堀特選御好燒（$108）有麵、蝦、魷魚、肉、蛋做法大致一樣，但係第二輪另一面嘅等待時，需在旁邊將麵炒散加醬油，另一邊煎蛋加上炒麵加上大阪燒加埋醬汁蛋黃醬紫菜碎柴魚碎！食得！其實都好容易整！