炑八韓烤 (已結業)

最排見到網上面有廣告話炑八所有分店都有優惠，每枱只要有最少一位學生就有「全單6折」嘅優惠😳，所以就即刻約埋幾個一齊去食，今次揀左尖沙嘴，因為方便我😂。佢地有兩個全牛餐，而我地叫左原價800幾嘅「牛套餐」，有牛胸肉、牛叻條、牛舌、牛五花腩，等等，佢個啲薄切嘅牛肉片全部燒幾下再食，超正，有啲入口即溶嘅感覺。牛舌都好正，一來厚切，二來爽口。我地仲叫左個「豬五花腩」韓燒必備，厚切，而且已經幫你切左一半先，放便之後自己剪，五花腩燒到佢脆卜卜就至正🤤。加上佢啲爐邊蛋同芝士，我地都唔知添左幾多次。