糖室 (已結業)

係附近食完飯，去咗糖室食埋糖水，見今日唔係好熱，我地成班人坐出面。我叫咗茉莉奶凍，奶凍好滑，好香奶味，仲有陣陣茉莉花香，細細地，啱晒我。宇治抺茶冰，抺茶味就淡D，不過食落好多料，有煙煙韌靭嘅蕨餅，又有北海道牛乳雪糕係頂頂，睇落似一朵花，襯喺綠茶冰到，賣相唔錯，不過如果加多D抺茶，等D味再濃D，會更加好食。玫瑰茘枝冰，個樣夠晒靚，所以一定叫，最鍾意佢D玫瑰花，仲有茘枝味嘅雪米糍，又有白桃味雪糕，夠晒豐富。桂花桃膠燉雪梨，聽個名都夠晒滋潤養顏，仲加埋桂花香，又唔會太甜，啱晒女士飲。