老街 56

營業中

休息中

今日同朋友喺銅鑼灣女人街附近行街，行道攰攰哋就搵間餐廳食lunch，見到有間新開嘅越南小餐廳，名字好特別叫做老街56，外邊貼出嚟嘅食物相片好吸引，當然要入去試一下。果然係好味道又抵食，我同朋友分別叫咗扎肉湯河同埋香辣肉碎煎蛋飯，扎肉又厚身又爽口，而且味道食得出係正宗嘅越南扎肉，河粉好幼滑，湯底好鮮甜，食完唔會覺得口乾，問咗店舖職員，佢哋係用真材實料熬湯底，唔放味精，所以食完唔會口渴，香辣肉碎味道一流，肉碎仍然有肉汁，辣度剛好，不太辣，白飯軟硬適中。