The Point - Pizza & Pasta (如心廣場) (已結業)

晚上去荃灣行街, 順手食個晚飯先, 「The Point」晚上有2人套餐，也有龍蝦套餐。友人同我選了個普通的2人套餐食！「龍蝦湯」鮮味十足，十分濃味，裏面的龍蝦肉也10分爽口彈牙，不錯！「香蒜橄欖油炒雜菌」也有驚喜，蒜香撲鼻。「燒烤醬雞肉薄餅」分好了6件，雞肉鋪滿了整塊薄餅，仲有野菌焦糖洋蔥等，口感豐富！另外佢的甜酸燒烤醬好開胃，配上雞肉一流。薄餅的批底不會很厚，唔會食一塊就飽晒，批底也烤得很鬆脆！「迷迭香烤春雞」加了$38轉為全隻春雞，有人同我可以一人半隻。雞肉的肉汁鮮嫩，醃得好入味，雞肉也不會很柴，值得一讚！最後仲叫了個小食「黑松露芝士薯條」，香噴噴的，黑松露香撲鼻，一口接一口食過不停。