素食新一代 (已結業)

與家人在附近打保齡球，開手機Openrice apps查看附近有乜好食?結果見到呢間素食新一代，食評也唔錯，便行過嚟開餐。因此乃商場內的小店，座位不多，等了10分鐘左右，我們才有位。叫了酸齋，好大件，好好味。上海雲吞，食材及味道都唔錯，唯煮得太久，用筷子夾一夾，個雲吞皮已爛曬，可惜。擔擔麵，麵的質地好滑漏，好好味。粟米魚肚羹，較稀，味道不過不失。素腸薑蛋炒飯，上檯時赫了一跳，咁大碟既??外貌不討好，但薑味濃郁，食得出真材實料。紅燒豆腐，豆腐滑，鑊氣夠，味道好。坦白說，我平時很怕去這類座位少的店舖跟人迫的，但此素食小店真的值得推介。四大一小埋單才200幾，碟炒飯足5碗滿的，真係又抵食，又好食。(後話:我見到很多擬似熟客的人，很多都叫晚餐，30幾蚊，有兩個餸，有湯，有飯，碟餸仲大大碟的，食物味道又Ok,難怪咁多人幫襯)