M Kitchen (已結業)

📍焗鮮茄芝士厚切豬扒飯溫度啱啱好，唔會辣口唔會唔夠熱，豬扒好厚切大塊，仲配埋椰菜花、西蘭花同埋紅蘿蔔仔，份量十足，一個女仔食唔哂，男仔食都夠飽。豬扒口感不乾，略帶肉汁，面頭加上芝士更加好食，係加分位呀，仲有拉絲效果🤩醬汁配上粒粒分明嘅炒飯好夾。📍海鮮闊條麵配海膽汁食麵最怕唔夠汁，呢個唔會乾爭爭，上枱已經見到滿滿嘅醬汁，有青口、帶子粒、蝦同埋蟹柳。闊條麵有咬口，每條闊條麵都掛滿醬汁，食落惹味😋餐廳定價唔貴，質素唔錯環境又坐得舒服，而家仲推出身份證優惠做到9月尾，好抵食👏🏻