燈籠滷味 T.P.E. (M88) (已結業)

嚟到中環唔知食乜好，行行下見到呢間充滿特色的餐廳，門外有很多燈牌裝飾佈置，五光十色！店內亦有一些打卡金句，牆上貼滿台灣復古海報，滿滿台灣的感覺！可能是平日晚上的關係人流唔算多，只有幾枱食客。我和朋友都喜歡食滷味，當年在台灣師大夜市的燈籠滷味本店一試愛上，當然每人叫一碗回憶一番。呢度同港式車仔麵一樣可以自選配料和麵底，麵底有台灣直送的王子麵，亦有冬粉和手工烏龍麵等特色麵類；落單後大約5分鐘已經上枱，速度非常快。配料方面我選擇了地道的大腸、麻吉燒、豬耳朵，值得一讚是每樣配料的份量好多，價錢便宜！個人推薦甜不辣和鴨珍！王子麵索晒滷水汁，非常入味！飲品選擇了台式的黑糖珍珠奶茶，淡淡的黑糖香，甜而不膩！