A Little Bit Restaurant (已結業)

今日約左舊同事食飯，揀左食呢間。我七點最早到，見到裡面一個人都無，唔肯定佢開左未，不過唔理，照衝入去，原來係開左架喇，可能呢個時間太早未有人。 我地三個女仔叫左一個卡邦尼意粉，一個all day breakfast 同一個客雞翼。我飲凍朱古力，個朋友飲焦糖咖啡，另外個朋友無飲野。卡邦尼意粉好食呀，唔係好咸又多菇，好香。另外佢仲有一個好大份量既生果，我覺得非常好，因為出去食野都係多肉少菜，真係有幾可有生果丫，佢仲要又凍又甜，讚呀！all day breakfast 就比較多肉既，不過佢都有一份生果跟埋既。而佢個窩夫好食架，好鬆軟，唔使放好多honey 落去就好好食。 而呢個all day breakfast 餐佢會俾你揀要窩夫定係鬆餅既，我地就揀左窩夫 雞翼都好入味，好食既，但就會比較多油。朋友話個焦糖咖啡幾好飲，而我個朱古力都好飲呀，仲有d cream 係上邊。佢新開果時都黎過食lunch，我覺得之前d 份量會比量多d，不過而家既份量都啱女仔食架喇。 丫，仲有一樣野，就係我有個朋友唔係住元朗區，佢搵左好耐都搵唔到黎，間野其實係偏僻左少少，但google map 一下應該都ok 既，佢正