醉上海 (已結業)

星期日去到屯門一定好多人，今日12 點幾去食飯，就去左呢間比起商場遠少少既上海野食，一入去就有位。  叫左一個炸銀絲卷同一個糖醋魚塊，野飲叫左凍咖啡。個炸銀絲卷係好食既，熱辣辣，內脆外軟！ 但係佢入邊就唔係整到好多層咁，得幾條絲。  不過都好好食，炸得好脆同埋點埋個練奶好好食呀，好香口！ 個糖醋魚塊個汁酸酸甜甜咁，好開胃好好食，一咬落魚塊到都好有咬口，唔會有太多粉黎炸個魚，好好味。 同埋都有幾多魚塊，份量幾足。  但男朋友就話個咖啡叫左少甜都仲係好甜。價錢又唔算真係好貴，個環境都唔錯，好光猛架！我最中意好光猛既地方，食都食得開心d，哈哈！  下次再去試其他野。