影片
更多
2019-05-27
852 瀏覽
什海鮮意大利飯 $238早兩年經常係觀塘工廈搵食 意粉意大利飯試左唔少間 今次又黎食西餐呢碟risotto既海鮮真係不得了 一啲都無小家子 肯定你既目光先會被大大隻既海鮮朋友吸引 飯底都俾佢地遮左大半最吸睛既大蝦唔係得個頭大果種虎蝦 而係啖啖肉 最重要係肉質好爽口 對海鮮無研究既我都似乎食得出份新鮮 除左蝦蝦仲有蜆穀類朋友 如果無認錯應該大蜆花蛤蟶子都出哂場 包括蜆肉在內全部都係大號 處理得都唔錯 肉質彈牙又唔會韌 同樣都係幾鮮下Risotto本身我都鍾意食 呢碟除左飯粒飽滿好食 配既汁都幾岩我 口味偏濃 juicy得黎又唔會太漏 呢期食得唔多野既我都胃口大開食飽之後同鋪頭講好岩食 佢地話用既係新鮮食材 講真 我好似仲未係呢個價位食過咁足料而又有質素既意大利 相當值得推介! 法式焗田螺 $92呢份田螺好食到喊 T-T除左手頭上份餐牌 餐廳仲有塊黑板寫左啲必食推介 呢份田螺正正係推介當中既一道懷舊菜式賣相方面已經相當有水準 金黃色既底係薯蓉 田螺就鋪係面 兩者都焗到微焦 羅勒粉點綴 色水靚之餘 用左金屬缽仔裝起哂 懷舊味出哂黎 另外俾你每人一份食田螺專用既夾同叉 包裝到有幾分似食緊法國菜
什海鮮意大利飯 $238早兩年經常係觀塘工廈搵食 意粉意大利飯試左唔少間 今次又黎食西餐
呢碟risotto既海鮮真係不得了 一啲都無小家子 肯定你既目光先會被大大隻既海鮮朋友吸引 飯底都俾佢地遮左大半
最吸睛既大蝦唔係得個頭大果種虎蝦 而係啖啖肉 最重要係肉質好爽口 對海鮮無研究既我都似乎食得出份新鮮 除左蝦蝦仲有蜆穀類朋友 如果無認錯應該大蜆花蛤蟶子都出哂場 包括蜆肉在內全部都係大號 處理得都唔錯 肉質彈牙又唔會韌 同樣都係幾鮮下
Risotto本身我都鍾意食 呢碟除左飯粒飽滿好食 配既汁都幾岩我 口味偏濃 juicy得黎又唔會太漏 呢期食得唔多野既我都胃口大開
食飽之後同鋪頭講好岩食 佢地話用既係新鮮食材 講真 我好似仲未係呢個價位食過咁足料而又有質素既意大利 相當值得推介!
法式焗田螺 $92呢份田螺好食到喊 T-T
除左手頭上份餐牌 餐廳仲有塊黑板寫左啲必食推介 呢份田螺正正係推介當中既一道懷舊菜式
賣相方面已經相當有水準 金黃色既底係薯蓉 田螺就鋪係面 兩者都焗到微焦 羅勒粉點綴 色水靚之餘 用左金屬缽仔裝起哂 懷舊味出哂黎 另外俾你每人一份食田螺專用既夾同叉 包裝到有幾分似食緊法國菜fine dining
講咁多其實最重要係味道 講得好食到喊就肯定無老點大家 首先田螺本身size算standard 但係就好juicy 感覺幾新鮮 佢出果份油真係好正 又濃又入味 而又唔會令你覺得太油膩 薯蓉同樣處理得好好 絶對唔會乾爭爭 應該又係果份恰到好處既油帶起左味道 焗到微焦又添左幾分口感 作為伴碟都俾我清光光
利申我本身對田螺無特別喜好 純粹覺得呢份前菜堅高質 作為招牌菜都仲得 黎到必試!
法式羊架寶雲酥 $228
由於想食啲肉但又經已叫另一個main course同前菜同甜品 所以叫左份無咁heavy既羊架
份羊架肉質唔錯 叫左七成熟 口感係有既 唔會過韌
熟行既可能知咩係寶雲酥整法 唔熟既下次可以從賣相認得佢 其實羊架面果啲係麵包糖 有增加到口感
伴菜有沙律同一堆椒 幾開胃 另外仲有薯字 我就覺得燒薯仔唔錯 切得薄 焦焦地入口 唔會太過飽
羊架有三件 呢份羊架價同外面差唔多 味道方面個人收貨 都可以一試
芝士蛋糕配綠茶雪糕 $58
心太軟同芝士蛋糕之間 揀左後者 兩者價錢一樣 另外鋪頭無收加一
賣相同一般Cheese cake唔同 唔係三角狀 黃色圓圓地果部份就係蛋糕 蛋糕上加左個朱古力環 然後綠茶雪糕球放係蛋糕頂 餅碎同士多啤梨一齊伴碟用 present上幾特別
芝士蛋糕係偏實在果種 睇落細細舊其實食落唔少野 餅底層係無左 睇大家鍾唔鍾意淨係啖啖純芝士口感 朱古力果部份我個人又幾鍾意 睇相都見整得幾有層次 脆脆地咁食唔會太甜 雪糕夠凍而唔會雪到硬哂 綠茶口味就standard無特別 另外伴碟既士多啤梨幾甜
比起main course同前菜既驚艷 甜品對我黎講係so far so good咁 有餘力既可以一戰
張貼
