千里屋食堂 (已結業)

銅鑼灣日式食店林立，要喺呢區爭得一席真係唔係咁易。今次同太太嚟到呢間千里屋食堂，主打牛肉，據講係大阪過江龍，就睇下佢有冇能力䇄立於銅鑼灣啦～小舖位，勝在係地舖，易搵。我數過，呢度坐滿會有26人。環境算乾淨，有少少日本平民食肆feel。先來牛肉壽喜燒定食，牛肉係普通級數，已經好唔錯（和牛陣間先再介紹），各款配菜亦齊料。滾起咗感覺好豐富～鹿兒島黑牛 - 鐵板和牛三味，有牛脊、牛肩同牛五花。同普通牛真係唔同食法，啲肉真係嫰好多，亦好有牛味～席間聽到至少兩枱人係講日語，係巧合，定係日本人都覺得呢度正宗同好食？