火滾安哥雞煲酒館 (已結業)

大角咀界限街多好嘢食就大家都知㗎啦，最近舊同事約食飯，幾個人都不約而同推薦呢間，所以晨早就已經訂咗枱，亦都好期待食，最終都真係食得好開心，好滿足。有別於一般雞煲店，呢間雖然裝修簡單，但係勝在夠光猛，同埋地面，座位，檯面都冇話黐立立，食得好舒服。當晚我覺得最好食，一定下次要推介比朋友既有三樣野。第一就係安格斯牛柳粒，佢重牛味又唔會鞋，有鑊氣超入味。第二樣就係炸雞皮餃子。呢個真心必點！第一次食呢樣野，雞皮好脆，入面又多料夠juicy！最後就係個雞湯烏冬，千祈唔好睇小呢樣咁簡單嘅菜，雞湯好濃郁，烏冬冇酸味，口感亦都好好，有Q彈感。