影片
更多
2020-11-23
312 瀏覽
本身住附近，食咗幾個月住家飯有啲悶，見到呢間小臻飯評語唔錯，所以就決定幫襯下。响外賣apps 點左醉雞飯加菜，再加個單點口水雞，黑椒雞搥一份，炸魚一塊，蟲草花雞湯一份。除咗外賣有折之外，呢排外賣apps 又再特定時間有折上折，所以張單$140幾蚊變$70幾蚊，差唔多半價真係抵。去到小店老闆一個人仲準備緊，但好有禮貌請我等等，又同我再確認單裏面嘅內容，確保冇錯。我等緊嘅時候都見到店內有單張。原來飯嘅款式都唔少，亦似乎唔同時間唔同飯款會做優惠。返到屋企第一樣野係食炸魚，啱啱炸好重好熱氣，大大塊好香脆滿足左我想食香口野嘅衝動。黑椒雞搥外觀深色咗啲，有三舊，無乜咩黑椒味但好彩都好味同juicy, 屬於味道比佢個賣相好果隻。將個湯到咗出嚟飲，見到佢有菇，少少蟲草花，雖然清清地但味道都夠，最緊要飲得出佢冇落味精。醉雞同口水雞都應該係走骨嘅雞髀扒做，食落啖啖肉而且方便，味道唔錯份量都合理。尤其是口水雞，個醬只係啲啲辣，但好惹味，加埋青瓜絲同埋啲醬，撈飯或者麵都應該唔錯，果然係招牌菜。可惜我減緊肥，唔敢食晒啲醬汁落肚。至於個醉雞，酒香唔重，有幾粒脹卜卜嘅杞子，跟埋少少汁撈飯好味。白飯嘅份量相對來講算係
响外賣apps 點左醉雞飯加菜，再加個單點口水雞，黑椒雞搥一份，炸魚一塊，蟲草花雞湯一份。除咗外賣有折之外，呢排外賣apps 又再特定時間有折上折，所以張單$140幾蚊變$70幾蚊，差唔多半價真係抵。
去到小店老闆一個人仲準備緊，但好有禮貌請我等等，又同我再確認單裏面嘅內容，確保冇錯。我等緊嘅時候都見到店內有單張。原來飯嘅款式都唔少，亦似乎唔同時間唔同飯款會做優惠。
返到屋企第一樣野係食炸魚，啱啱炸好重好熱氣，大大塊好香脆滿足左我想食香口野嘅衝動。黑椒雞搥外觀深色咗啲，有三舊，無乜咩黑椒味但好彩都好味同juicy, 屬於味道比佢個賣相好果隻。將個湯到咗出嚟飲，見到佢有菇，少少蟲草花，雖然清清地但味道都夠，最緊要飲得出佢冇落味精。
醉雞同口水雞都應該係走骨嘅雞髀扒做，食落啖啖肉而且方便，味道唔錯份量都合理。尤其是口水雞，個醬只係啲啲辣，但好惹味，加埋青瓜絲同埋啲醬，撈飯或者麵都應該唔錯，果然係招牌菜。可惜我減緊肥，唔敢食晒啲醬汁落肚。
至於個醉雞，酒香唔重，有幾粒脹卜卜嘅杞子，跟埋少少汁撈飯好味。白飯嘅份量相對來講算係多，熱辣辣得嚟面頭加咗少少木魚飯素，感覺到小店嘅心思。
雖然專登要求菜要走油走醬，但係追加嗰份菜都係有少少沙律醬，可能之前已經撈好咗，自己喺屋企用水洗一洗可以。佢啲沙律菜都新鮮，雖然份量唔係好多。
整體來講，我覺得都不錯, 應該會再幫襯。世道艱難，要支持下街坊小店。
張貼
