聚興家

營業中

休息中

朋友生日揀咗呢間中菜館食飯，裡面環境都算細，座位有啲迫，我哋就揀咗以下食物。椒鹽九肚魚：香脆，微辣，十分惹味！越式墨魚餅：香脆，內裏有墨魚粒，食落口感豐富，墨魚香味濃郁。新鮮鹽焗雞：鹹香嫩滑。白灼手切牛肉：牛味濃郁，有嚼勁。紅燒脆皮鴿：皮薄香脆，汁多肉嫩，香口又惹味！豉油煎蝦：爽口惹味，但比較鹹。花甲蒸蛋：花甲鮮甜，蒸蛋嫩滑。酸菜魚：魚肉鮮甜，嫩滑，湯底，唔夠酸又唔夠麻辣，比較清淡，味道一般。整體食物質素係好食嘅，店員服務態度良好，我哋個個食得好滿足，下次都會再嚟食。