橋底串屋

營業中

休息中

同朋友黎食 整體感覺唔差😳先講舖頭環境 雖然係有少少細但裝修好特別 中國式風格 木台凳；嘢食好快到 最鍾意嘅係茄子 燒到可以拉絲咁食！仲有腸仔加埋少少辣就更好，其他蕃薯串燒都好食好野味🤤老闆送左牛肉湯丸比我地，肉丸好多汁味道唔太濃唔太淡，仲有金菇肥牛卷，一D都唔乾！仲有特別嘅嘢食係 蒜蓉腐皮卷、黑色臘肉香腸（？！）味道好特別 個樣似臘腸但食落係普通腸仔味，仲要係黑色嘅，感覺好神奇 但好食😂甜品係唔少得個涼粉😌先頭睇個樣好奇怪，但食落先係好正好爽，少少薄荷味，但係涼粉mix果凍嘅口感，清清涼涼，好岩夏天食！絕對可以一試❤️❤️❤️價錢合理 上菜快 得閒可以同朋友黎坐下吹水食下串燒都唔差。