麵屋一平安

營業中

休息中

今日到尖東開會，睇到哩間日本嘢係尖東都有分店，咁試試啦。哩間餐廳較難揾，如果搭直達lift要按1字，扶手梯要落2層樓。凍奶茶，估唔到日本店鋪啲奶茶都幾正，茶味入口溫和，唔會好甜，好飲。酒煮蜆，好大一份，清酒烹煮完啲蜆肉特別鮮甜，蜆肉冇沙，開胃菜黎講唔錯。明太子煎蛋，煎蛋好有水準。煎蛋嫩滑，中間落咗少少明太子調味，食落香甜中伴有少少鹹鮮，勁推薦。火炙醋鯖魚，用火炙方法炙燒出魚皮油脂，鯖魚微酸口味中和咗魚油油香，好食到停唔落口。串燒盛盒（5串），有雞翼，豬肉等5款串燒。其中大蔥雞肉，帶子為醬烤，大蔥燒完好多汁，加入日式香濃醬汁好惹味。特製低溫叉燒拉麵，拉麵屬於較硬身果款，日式湯底飲得出落咗大量豬骨煲制，拉麵嗦曬豬骨湯底，好好味。低溫叉燒果然好特別，唔會食到豬肉柴柴口感，簡直入口即化。