影片
更多
2021-08-02
247 瀏覽
今日嘴痕好想買啲嘢返屋企繼續食（貪得無厭）於是拜訪咗呢間座落天后、標榜香港本土風味、哥吃的不是蛋糕而是回憶啊嘅Mr.W即烘蛋糕。好西嘅定義太多種，可能其中一種，就係會食到你詩興大發～🥛原味鮮奶蛋糕原味通常最睇得出真功夫，喺冇其他配料襯托嘅情況下，呢款蛋糕依然有柔軟而又神奇地實淨嘅口感，鬆軟嘅蛋糕喺口入面靠食用者嘅舌頭搓出更綿密更精緻嘅形狀同層次，成個體驗就好似我哋作為食用者都係呢個蛋糕完成嘅一個環節。莫名地自我賦予咗一份神聖感，happyyy✨🌰栗子蛋糕栗子大大粒冇花冇假，原本擔心會咀嚼得辛苦，但出乎意料地，栗子嘅質地相當軟潤，餡料同蛋糕渾成一體、缺一不可，不論觸感上乃至味覺嘅層面都徹底無斷層，如此自然。🌴棗蓉蛋糕棗蓉必然係同栗子行唔同路線，偏要喺口感上獨立獨行，務求比人嚼到棗蓉嗰種「孩提時候我坐在木凳子上被婆婆關愛地餵著吃果乾」嘅嗰粒果乾嘅嚼勁，乃至更深層次嘅親切、熟悉、人情味。🌸無花果蛋糕無花果嘅籽遍佈整舊蛋糕，每啖就會喺你就快徹底淪陷於蛋糕嘅綿軟之際以果籽嘅清脆輕輕戳你敏感嘅舌頭，然後你就覺得爽💖——————————————— #mrw即烘蛋糕 Mr.W 即烘蛋糕 (天后)天后電
好西嘅定義太多種，可能其中一種，就係會食到你詩興大發～
🥛原味鮮奶蛋糕
原味通常最睇得出真功夫，喺冇其他配料襯托嘅情況下，呢款蛋糕依然有柔軟而又神奇地實淨嘅口感，鬆軟嘅蛋糕喺口入面靠食用者嘅舌頭搓出更綿密更精緻嘅形狀同層次，成個體驗就好似我哋作為食用者都係呢個蛋糕完成嘅一個環節。莫名地自我賦予咗一份神聖感，happyyy✨
🌰栗子蛋糕
栗子大大粒冇花冇假，原本擔心會咀嚼得辛苦，但出乎意料地，栗子嘅質地相當軟潤，餡料同蛋糕渾成一體、缺一不可，不論觸感上乃至味覺嘅層面都徹底無斷層，如此自然。
🌴棗蓉蛋糕
棗蓉必然係同栗子行唔同路線，偏要喺口感上獨立獨行，務求比人嚼到棗蓉嗰種「孩提時候我坐在木凳子上被婆婆關愛地餵著吃果乾」嘅嗰粒果乾嘅嚼勁，乃至更深層次嘅親切、熟悉、人情味。
🌸無花果蛋糕
無花果嘅籽遍佈整舊蛋糕，每啖就會喺你就快徹底淪陷於蛋糕嘅綿軟之際以果籽嘅清脆輕輕戳你敏感嘅舌頭，然後你就覺得爽💖
———————————————
#mrw即烘蛋糕
Mr.W 即烘蛋糕 (天后)
天后電氣道67號地下D號舖
張貼
