大壹燒鵝 (MOSTown Street新港城中心大街(3期))

營業中

休息中

今日去馬鞍山探朋友諗住同個朋友食午餐，估唔到被視為美食沙漠嘅馬鞍山都有一間以燒鵝為名嘅餐廳。朋友之前都食過都話好好味特登帶我嚟試吓。佢哋有午市套餐，我就叫咗個燒鵝髀飯。呢度嘅燒鵝係自家燒嘅真正嘅皮香肉嫩。燒鵝皮非常之脆一啖咬落去肉質慢慢流出非常好食。朋友另外點左油雞叉燒加鹹蛋，叉燒十分出色肉質好食，而且叉燒皮有小小燒焦，非常香口。另外我哋叫咗凍咖啡，凍咖啡非常香濃而且上面嘅咖啡粉增添左啲杯咖啡嘅賣相亦都令佢更加香。