秋香螺螄粉 (已結業)

以前未興起食螺絲粉，要食就要自己煮，煮一碗都起碼15分鐘，又想食但又懶得煮，唯有落街睇吓邊度有酸辣粉或者麻辣米線止下口癮。但係而家香港多咗唔少小店賣螺絲粉，可以唔使自己整就有得食。今次就試咗葵廣頂層嘅秋香螺絲粉。叫咗中辣湯底嘅炸蛋螺絲粉，都只不過係$44，另外加$8要咗一份炸豆串。外賣返屋企食嘅話，店主會將湯另上，咁就唔怕索哂個湯汁。炸蛋同炸豆串都係索湯之物，一啲都唔油膩，食入口完全爆哂湯汁，非常惹味。而螺絲粉最靈魂之處就係酸筍，有人覺得臭，但呢間嘅酸筍臭味唔勁，不過酸味十足，加埋中辣嘅湯底，酸辣咸香就係令人上癮嘅原因。