牧羊少年咖啡館 (白楊街)

營業中

休息中

午餐食乜好！實在係每日難題！一於食d平凡又唔會中伏嘅餐廳啦，牧羊少年就係其中一個好選擇了，雖然已經有好幾間分店，但佢嘅食物質素從未下降真係相當高質。我哋叫咗兩個午餐套餐，主菜分別係黄金鹹蛋苦瓜忌廉雞肉意大利粉同埋英式早午餐。兩個餐都有跟湯同埋餐飲。我叫苦瓜意粉本身其實都係貪平，但係相當有驚喜，意粉剛剛好，苦瓜唔太苦，有甘味！份量真係有d少，不過加埋餐湯食完都剛剛夠。英式早午餐準備時間比較長，我個意粉食晒先上到菜，但份量十足，每樣都係即叫即煮唔係好似buffet咁夾上黎又真係有誠意。