Toasting

營業中

休息中

呢間位於元朗商會中學對面嘅小店，啱啱開業好多人排隊，但係依家都冇乜人排。所以晏晝果斷去買次試下。因為佢係即叫即整嘅關係，所以等待嘅時間都比較耐，都接近十分鐘。叫咗個油煙肉薯餅同滑蛋組成嘅crunchy American。非常值得讚既係佢個包有烘過，而且係一啲偏甜嘅包，夾埋啲比較鹹嘅餡係非常合適。多士嘅餡料都非常充足，薯餅大塊、脆口；煙肉都煎得香脆。最正嘅一定係滑蛋，真係好滑，而且入面有啲洋蔥增加口感。唔錯！另外嗌多咗個媽媽手包煎白菜餃子，煎得幾香，入邊嘅豬肉餡都幾充足，只係加少少錢，高質。