韻味小廚

營業中

休息中

屋企團年飯，阿哥帶我地嚟食呢間，第一次試又幾好食，店舖不大，但又未算迫，牆上貼滿小菜相片，相當吸引。特別推薦仙鶴神針同家鄉炆鵝，仙鶴神針湯底淆得相當濃郁，鴿肉軟冧，翅份量都唔少，正👍。家鄉炆鵝炆得入味，肉質嫩身，食過返尋味😋，招呼服務都好友善，廚房師傅會出來問下我地餸菜味道如何，估不到小店都會做功夫菜，我地已經約好下次要試江南百花雞、釀鯪魚同要encore糯米飯。最後我地仲即場買左佢地自家製、無添加防腐劑嘅蘿蔔糕，好食不鬆散，蘿蔔絲平均分佈，好有住家製嘅感覺，出年一定會再買。