影片
更多
2019-08-11
985 瀏覽
而家搬咗去土瓜灣，同老公兩個人好少煮飯，就喺附近睇吓有咩食，經過過呢間餐廳幾次，但門口冇餐牌又好神秘咁，關埋門，好似好高檔同唔憂做咁就上openrice 睇吓食評，原來價錢都唔係貴，同埋評語都好好，咁我哋就一於嚟試吓！我哋差唔多九點去食，都爆曬棚，樓面有兩位女士，應該係老闆，佢哋都好細心，見我大左肚就叫我唔好坐高椅，留低我電話，有位再叫我返去。餐廳都幾細，枱同枱之間都好逼，見其他客都係叫串燒多，但我同老公一人叫一個飯就算啦，夠飽肚老公叫左日式咖哩牛肉飯，好食我就叫咗個鰻魚飯，$138，有兩大片鰻魚，用日式便當盒，幾精緻，配埋甜甜地既鰻魚燒汁，我好快就成個清哂食飽即閃，埋單兩人$250，下次再黎試串燒！都好吸引！
就上openrice 睇吓食評，原來價錢都唔係貴，同埋評語都好好，咁我哋就一於嚟試吓！
我哋差唔多九點去食，都爆曬棚，樓面有兩位女士，應該係老闆，佢哋都好細心，見我大左肚就叫我唔好坐高椅，留低我電話，有位再叫我返去。
餐廳都幾細，枱同枱之間都好逼，見其他客都係叫串燒多，但我同老公一人叫一個飯就算啦，夠飽肚
老公叫左日式咖哩牛肉飯，好食
我就叫咗個鰻魚飯，$138，有兩大片鰻魚，用日式便當盒，幾精緻，配埋甜甜地既鰻魚燒汁，我好快就成個清哂
食飽即閃，埋單兩人$250，下次再黎試串燒！都好吸引！
張貼
