影片
更多
2000-08-08
33 瀏覽
上星期四~同幾個食版老友五十年,ringo等人去o左"燒銀紙"..點燒法???看看下文就知曉.........襯而家八月頭都仲係食黃油蟹的時機,~(事前搵人都講定有心理準備每人幾百落樓)..各人無異議咁就去左灣仔瑞安中心的"鴻星"一早打去訂左一人一隻九兩...同一窩黃油蟹粥.,但係....是日中午在starbuck 飲緊o野的時侯~有關方面打黎話無九兩,得12兩,~下??咁樣同坐地起價無咩分別wor~不過....我地六個人~要五隻12 兩都係60 兩,都係一人十兩啦~~~等上檯先慢慢分...亞MEG 要遲少少到....不如點左菜先~等齊人先蒸蟹啦~咁我地點左:鮑魚鮮蝦豆腐煲.津白翡翠包炭燒腩肉蝦羔爽肉蒸茄子先o黎個腩肉過下口癮,呢樣係燒味唔使等.....哈哈,皮入口又係即化同海都o個d有得fight,但係一碟分量好少...唔多夠分，千叮萬囑叫上小菜先~~~但係好衰唔衰一齊上左wor~真係佛都有火..好想囉張摺凳黎.....................拿拿臨收番D 小菜.....無理由囉番D蟹去番蒸架?但係未齊人~咪唯有食o左先...凍o左唔好食架喇~~~黃油蟹無話可說係渾身是油..
襯而家八月頭都仲係食黃油蟹的時機,~(事前搵人都講定有心理準備每人幾百落樓)..各人無異議咁就去左灣仔瑞安中心的"鴻星"
一早打去訂左一人一隻九兩...同一窩黃油蟹粥.,但係....是日中午
在starbuck 飲緊o野的時侯~有關方面打黎話無九兩,得12兩,~下??咁樣
同坐地起價無咩分別wor~不過....我地六個人~要五隻12 兩都係60 兩,都係一人十兩啦~~~等上檯先慢慢分...
亞MEG 要遲少少到....不如點左菜先~等齊人先蒸蟹啦~咁我地點左:
鮑魚鮮蝦豆腐煲.
津白翡翠包
炭燒腩肉
蝦羔爽肉蒸茄子
先o黎個腩肉過下口癮,呢樣係燒味唔使等.....哈哈,皮入口又係即化同海都o個d有得fight,但係一碟分量好少...唔多夠分，千叮萬囑叫上小菜先~~~但係好衰唔衰一齊上左wor~真係佛都有火..
好想囉張摺凳黎.....................
拿拿臨收番D 小菜.....無理由囉番D蟹去番蒸架?但係未齊人~咪唯有
食o左先...凍o左唔好食架喇~~~
黃油蟹無話可說係渾身是油...金黃的膏真的令人再三回味呢~口痕話若果囉黎整黃油蟹膏壽司會點呢?)四肢都充滿油....不消一會咁就
征服o左隻12兩....食食下見到譚校長在房行出黎~~個口仲趙緊野,,
無耐呀MEG 先到...黎到局住再叫多隻啦~~~問都無問俾左隻14 兩..
咁個生意手法真係........硬銷黃油蟹??????
食完隻蟹就食小菜,個鮑魚煲D鮑魚都好有味.....冬菇都好有味但係硬硬地....有人話未熟~~~.....不過日本花菇係咪要硬身先好食?
蟹粥就又係好正~~有隻黃油蟹在煲耐...成碗粥都係黃色~粥身軟綿
綿絕對比得上"富記"~~黃油同D 粥二合為一,得出黎就係好好味..我都吞左三碗~哈哈...!!!!
津白包梗係番蒸過啦~~D菜都黃左囉.....但係我一向唔多好津白~
食落去苦苦地~~....入面D 翡翠我都唔記得左係咩,,麻煩五十年補充
蝦羔蒸茄子面頭D 爽肉又真係好爽~~食落去有點似豬面青.....茄子都吸到蝦羔味.....唔同果次去醉劍館食果D茄子咁難食~~~~
有甜品送~~我要芒果布甸......都過得去啦~~呢度又唔係港灣一號, 又唔係滿記.....
見到麥X琪,張X慈,張X儀同某人的EX GF一同在房行出黎...咦?
全部都係STAREAST 人~~唔怪得見到校長啦~~
但當結帳一刻..............................一隻蟹$42一兩..一人12兩..其他小菜,蟹粥...你估下幾多錢???
結果係.....有人話當去馬交買舖大細輸左~亦有人話寧願去AGNES B買袋...亦有人話好比網站燒銀紙.....有人話當買左告魯夫PLACE 跑第四.....
不過食完黃油蟹的併發症就係...訓唔著.~屙左兩次~個頭暈暈地..
係真係食o左個肺寒氣攻心定係為果幾舊水心痛?
平心黎講...真係唔值,,,,計埋service~~食物....呢餐值五舊水就合理
莫非多出黎果d係"名氣費"???可能我著得爛身世去....serivce梗係..
車!你估我係校長咩?
又一吹噓過度的活生生例子..........
張貼