文輝墨魚丸大王

營業中

休息中

今晚同朋友去銅鑼灣果邊買野，跟住睇電影，睇完覺得有D肚餓，就去附近揾野食啦，因為一時淋唔起附近有咩好食嘅，行下行下經過文輝墨魚丸，我就話不如就食呢個啦，味道都可以，不過價錢都算有D小貴，今晚可能比較夜，無人排隊，平時一般都要排隊。點左個紫菜八寶湯，朋友話呢個湯都算貴，不過因為佢未嚟過，所以想佢一次試曬幾種口味，墨魚丸同牛肉肉幾種丸子都好爽口彈牙，墨魚丸唔系一般果D咁，粉多過魚肉，佢呢度真材實料，可以食得出墨魚肉，建議同朋友一齊嚟嘅點呢個，湯都好鮮甜。鹵水雞變，樣就一般，不過味道都OK，雞變腌得好入味，但又唔系好咸，不過唔算話特色菜。燒賣比起其他店就都算特別啦，因為餡都系用墨魚肉做，口感幾特別，都幾好味，唔錯。