影片
更多
2018-10-07
470 瀏覽
滷水拼盤紅腸拼墨魚有魷魚、紅腸同芽菜。魷魚切得好薄，方便易咬。隨餸附送白醋，點埋d白醋食就無得頂啦！生腸大腸大腸脂肪同肉比例啱啱好，脂香肉嫩。生腸通常都係喺街邊食多，喺茶餐廳都係第一次食！街邊通常會連甜醬、芥辣醬食，但呢次就冇醬，可以食到生腸嘅原汁原味！成日覺得生腸有陣怪味，但佢完全冇，重好爽口！菠蘿冰真係值得一讚！菠蘿冰真係有菠蘿！😂菠蘿份量半杯有多呀！椒鹽鮮魷賣相不錯！紅椒直切呈圓形圍喺鮮魷出面，更加特顯中間嘅主角鮮魷！一般茶餐廳都唔會咁用心砌好個賣相，見微知著，睇得出師傅嘅用心。外皮唔會炸得太乾，食落唔會覺得好熱氣。粉漿唔會太厚，啱啱好，唔會出現粉漿多過鮮魷嘅情況。小炒王好多料，多到唔知有冇數漏🙈。有腰果、韭菜、芹菜、魚片、魷魚鬚等，一d都唔「小」呀！腰果好香，食完唔會炒得太燶令人覺得熱氣，我重忍唔住食左好多！韭菜水餃就食得多，好耐冇食過有韭菜嘅餸啦，今次終於可以食到原汁原味嘅韭菜！芹菜好嫩好爽口，食完唔會有「渣」。魚片切成幼條，形狀特別，唔似我地平時食開嘅片狀，完成融入左d韭菜同芹菜度！唔係朋友先試到有魚片，我都唔知有！😂🙈魚片彈牙唔鯹。韮菜豬紅平時好難會食到，對上次食都係喺大
滷水拼盤紅腸拼墨魚有魷魚、紅腸同芽菜。魷魚切得好薄，方便易咬。隨餸附送白醋，點埋d白醋食就無得頂啦！
生腸大腸
大腸脂肪同肉比例啱啱好，脂香肉嫩。生腸通常都係喺街邊食多，喺茶餐廳都係第一次食！街邊通常會連甜醬、芥辣醬食，但呢次就冇醬，可以食到生腸嘅原汁原味！成日覺得生腸有陣怪味，但佢完全冇，重好爽口！
菠蘿冰真係值得一讚！菠蘿冰真係有菠蘿！😂菠蘿份量半杯有多呀！
椒鹽鮮魷賣相不錯！紅椒直切呈圓形圍喺鮮魷出面，更加特顯中間嘅主角鮮魷！一般茶餐廳都唔會咁用心砌好個賣相，見微知著，睇得出師傅嘅用心。外皮唔會炸得太乾，食落唔會覺得好熱氣。粉漿唔會太厚，啱啱好，唔會出現粉漿多過鮮魷嘅情況。
小炒王好多料，多到唔知有冇數漏🙈。有腰果、韭菜、芹菜、魚片、魷魚鬚等，一d都唔「小」呀！腰果好香，食完唔會炒得太燶令人覺得熱氣，我重忍唔住食左好多！韭菜水餃就食得多，好耐冇食過有韭菜嘅餸啦，今次終於可以食到原汁原味嘅韭菜！芹菜好嫩好爽口，食完唔會有「渣」。魚片切成幼條，形狀特別，唔似我地平時食開嘅片狀，完成融入左d韭菜同芹菜度！唔係朋友先試到有魚片，我都唔知有！😂🙈魚片彈牙唔鯹。
韮菜豬紅平時好難會食到，對上次食都係喺大排擋食。估唔到呢間茶餐廳有，老闆娘重話黎到呢度必食！有冇咁誇張呀？但食左嚿豬紅入口即刻覺得老闆娘冇介紹錯！豬紅質地實淨，唔會一夾就散。重好新鮮煮出黎，上枱嘅時候重冒煙！難怪食入口咁熱辣辣啦！正呀！韮菜豬紅通常都係豬紅做主角，豬紅多過韮菜。呢度就豬紅同韮菜嘅比例各佔一半。好多韮菜呀！韮菜一梳梳
原汁牛腩啖啖肉，好入味。唔會好多肥膏，反而有少少筋，食落口口感煙韌實在，感覺好似食左好多骨膠原落肚咁呀！
張貼
