天下茶屋 (福榮街)

營業中

休息中

朋友聚會經常會約深水埗，選擇多價錢又親民，尋晚同朋友經過見到呢間天下茶屋之前未試過，於是就入去試下。 呢度行日台路線，食物以日式為主，飲品就好有台式風味，我同朋友點左滑蛋豬扒丼同火炙豚肉湯烏冬，烏冬濃淡適宜，重點要提提個豬扒丼，豬扒同飯之間居然有加明太子提升鮮味，十分有誠意。 小食叫左煎餃子、單骨雞翼同七味燒雞腎，煎餃子夠金黃，味道已較好，相當唔錯；單骨雞翼係炸雞，上粉均勻，炸得剛剛好；七味雞腎更係喜歡食內臟必點，少少辣如果可以送酒更係一流。 飲品點左寒天蜂蜜爆珠烏龍茶同奇異果鮮果乳酸，烏龍茶我朋友不停話好飲，有茶味；我點既乳酸飲得出足料，並非一味求甜，不俗！